韓式燒肉 任食前菜/爐邊蛋/芝士粟米

之前食過呢間韓式燒肉既北角分店，會有沙律菜、3款前菜生菜、爐邊蛋同芝士粟米，可以食完再refill。某啲菜式仲會有店員過黎幫手燒，店員服務都好好 🌟大牛骨 $360 好似最近推出既新產品，好大條既牛骨，肉會起晒出黎方便燒，表面微熟，燒到表面焦香就食得，肉質比較實但唔會靭，肉味香濃 🌟食堂牛小排 (醬油) $178 醬油牛小排係已經有醬汁調味，油脂分佈平均，肉質好軟嫩，燒肉必食牛小排 🌟濟洲特上黑毛豬拼盤 $328 豬排、五花肉、豬下青、豬皮 份量好多既黑毛豬拼盤，除咗豬下青即係豬頸肉都有調味。豬皮軟腍腍，油份十分豐富，都比較易燒焦。五花肉好啱包生菜食，豬排好大件，店員過黎幫我地剪開燒，肉質好軟 🌟每日新鮮鰻魚(半份) $115 鰻魚新鮮運到，將外皮會燒到微焦，再沾上鰻魚汁。鰻魚厚肉無腥味，肉質爽實，鰻魚皮金黃色香脆，幾好食 🌟食堂蘋果梨汁雞肉 $88 雞肉用咗蘋果梨汁調味，食落甜甜地 🌟牛‧燒肉飯 $88 好大碗既燒肉飯，有半熟蛋、泡菜同芽菜同牛肉。醬汁帶微甜，賣相都唔錯 🌟朱古力棉花糖 $55 呢到仲有甜品，可以將棉花糖燒到半溶放上餅乾到食，有得玩又有得食 🌟梅子青檸梳打 $32 🌟濟洲特飲 $32 食燒肉容易膩，飲梳打refresh 下就最啱 📍濟洲燒肉食堂(九龍灣) @jeju_bulgogi 九龍灣偉業街33號德福廣場二期5樓501B號舖Foodeli S1號舖 北角渣華道123號北角匯2期2樓210號舖 #熱門菜式 #濟洲燒肉食堂 #jejubulgogi #九龍灣 #九龍灣美食 #德福廣場 #濟州 #韓燒 #燒肉 #韓國菜 #韓國餐廳 #韓國#韓式燒肉 #香港 #香港美食 #美食 #打卡 #週末好去處 #香港好去處 #食好西 #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger